Kjo do të thotë se deri në fund të vitit, bota do të mbështetet në rezervat natyrore, duke shfrytëzuar më shumë sesa Toka është në gjendje të rikuperojë. Sipas Fondit Botëror për Natyrën, ritmi aktual i konsumit është i barabartë me përdorimin e 1.73 planetëve Tokë.

Ekspertët paralajmërojnë se ky deficit ekologjik po thellohet prej më shumë se pesë dekadash. Kërkesa gjithnjë e më e lartë për burime natyrore, e kombinuar me kapacitetin e kufizuar të rigjenerimit, po ushtron presion të vazhdueshëm mbi ekosistemet dhe po përshpejton degradimin e tyre.

Një rol vendimtar në këtë sfidë kanë qytetet. Sipas Fondit Botëror për Natyrën zonat urbane, edhe pse zënë vetëm 3 për qind të sipërfaqes së Tokës, konsumojnë rreth 75 për qind të energjisë globale dhe janë përgjegjëse për afro 70 për qind të emetimeve të gazrave serrë të shkaktuara nga aktiviteti njerëzor.

Me rritjen e popullsisë urbane, ekspertët theksojnë se investimet në transport të pastër, ndërtesa me efikasitet energjetik dhe përdorim më të qëndrueshëm të burimeve do të jenë vendimtare për të ngadalësuar ritmin e konsumit dhe për të ulur borxhin ekologjik ndaj planetit.